Gosmökkur í ýmsum litum
Sprengivirkni hófst um kl. 16 síðdegis í gær í gosinu við Grindavík vegna þess að kvikan komst í snertingu við grunnvatn þar sem hraunstraumur fer ofan í sprungu til móts við Hagafell. Þá snögghitnar vatnið og framkallar gufusprengingar og gjóskufall. Á myndum með fréttinni má sjá hvernig dökkur reykur frá sprengingunum reis hátt til himins.
Neðar á síðunni má sjá nokkar svipmyndir frá gosinu sem teknar voru frá Arnarseturshrauni í átt að gosstöðvunum við Sundhnúk um miðjan dag.
Töluverð óvissa er með magn gastegunda frá gosstöðvunum. Í kvöld snýst vindátt til suðvesturs og því berst gasmengun til norðausturs og gæti hennar orðið vart á höfuðborgarsvæðinu í nótt og á morgun (fimmtudag). Hægt er að fylgjast með gasdreifingarspá og rauntímamælingum ýmissa gastegunda á loftgæði.is
Eldgos við Sundhnúk 29. maí 2024 // Myndasafn #1
