Góður gangur í viðræðum í Reykjanesbæ

Góður gangur er í viðræðum Samfylkingar og óháðra, Beinnar leiðar og Framsóknarflokks, sem nú ræða meirihlutasamstarf í Reykjanesbæ.

 

„Þetta tekur tíma og við viljum vanda okkur,“ sagði Guðbrandur Einarsson, oddviti Beinnar leiðar í samtali við Víkurfréttir. Hann sagði engin stór ágreiningsmál vera til staðar. Nú séu norrænir vinabæir í heimsókn í Reykjanesbæ og það tefji viðræðurnar, sem verði teknar upp að nýju eftir heimsóknina.