Góðir gestir á Byggðasafninu í Garði

Framkvæmdastjóri Safnaráðs, Rakel Halldórsdóttir heimsótti Byggðasafnið á Garðskaga þann 22. nóvember s.l.  Með henni var Sigrún Ásta Jónsdóttir forstöðumaður Byggðasafns Reykjanesbæjar.
Framkvæmdastjóri Safnaráðs hafði ekki komið á safnið eftir að viðbygging var tekin í notkun en tilgangur heimsóknarinnar var að kynna sér breytta starfsemi safnsins.
Forstöðumaður Byggðasafnsins á Garðskaga Ásgeir M. Hjálmarsson, Erna Sveinbjarnadóttir formaður byggðasafnsnefndar og Oddný Harðardóttir bæjarstjóri tóku á móti gestunum og gengu með þeim um safnið.

Heimsóknin var mjög ánægjuleg og voru gestirnir ánægðir með breytingarnar og með þróun starfseminnar.
Að lokum var boðið upp á kaffi og meðlæti á veitingastaðnum Flösinni.

 

Af vef Sveitarfélagins Garðs - www.svgardur.is