Góð þátttaka í heilsuhlaupi Krabbameinsfélagsins

Heilsuhlaup Krabbameinsfélagsins fór fram í blíðskaparveðri í gær. Alls tóku 70 manns þátt í hlaupinu í Reykjanesbæ. Vegalengdir  voru tvær, 3,5  og  7 km.  Íslandsbanki í Keflavík var aðalstyrktaraðili hlaupsins og veitti verðlaun fyrir fyrsta sæti kvenna og karla í báðum vegalengdum.

Fyrstu sæti fyrir  7 km hlutu  Kristjana Gunnarsdóttir og Klemens Sæmundsson og fyrir 3,5 km þau María Pálsdóttir og Magnús Ríkarðsson.

Veglegir happdrættisvinningar voru dregnir út á númer allra þátttakenda, en gefendur vinninga  voru Íslandsbanki, K-sport, Sportbúð Óskars, Bláa lónið og Perlan sól og þrek.  Krabbameinsfélag Suðurnesja þakkar Íslandsbanka í Keflavík, öðrum styrktaraðilum og  þeim sem þátt tóku í hlaupinu.

VF-myndir/Atli Már Gylfason