Gleði, gleði og eintóm hamingja á sumarhátíð Byrgisins

Dagana 12. 13. og 14. júlí verður í Rockville á Miðnesheiði, skemmtileg sumardagskrá fyrir fjölskylduna þar sem hægt verður að koma með tjaldið og slá upp tjaldbúðum á svæðinu. Barnagæsla verður fyrir börnin í barnaleikhúsinu, hinn stórglæsilegi æfingasalur í íþróttahúsi Byrgisins verður opinn, ratleikur, útimarkaður ásamt mörgu öðru til skemmtunnar og blessunar. Sumarhátíðin er liður í sumarstarfi Byrgisins og mun starfsfólk kynna meðferðarúrræði, aðstandendameðferð, forvarnadeild og unglingastarf.

Á sumarhátíðinni verður ýmislegt gert til þess að þær systur Gleðin og Hamingjan fái notið sín. Predikað verður alla dagana og kennt upp úr orði Guðs, haldin verða námskeið um “stöðu kristinnar konu í dag”, “sjálfsvirðinguna” og “fyrirgefninguna” en það námskeið hefur notið mikilla vinsælda meðal aðstandenda, meðferðarfólki og hlustenda útvarpsstöðvarinnar KFM á fm 107.

Samkomur verða haldnar alla dagana þar sem meðal annars Kolbeinn Sigurðarson, Þór Einarsson, Guðmundur Jónsson og Konráð Friðfinnsson predika, lofgjörð, bænastundir, fyrirlestrar sem Steinunn Marinósdóttir, Helga Haraldsdóttir og Guðmundur Jónsson halda og að sjálfsögðu verða fyrirbænir.

Miðaverð:
0-11 ára: Frítt
12-17 ára: 1.000 kr.
18 ára og eldri: 2.500 kr.


Upplýsingar í Síma 423 7990