Geta sinnt betur nemendum af erlendum uppruna

Dröfn Rafnsdóttir hefur verið ráðin í stöðu kennsluráðgjafa hjá sérfræðiþjónustu Fræðsluskrifstofu Reykjanesbæjar, með megináherslu á móttöku og kennslu barna innflytjenda. 

Dröfn starfaði áður sem aðstoðarskólastjóri Akurskóla en við stöðu hennar tekur Guðlaug Sjöfn Jónsdóttir.

Með ráðningu Drafnar getur sérfræðiþjónustan sinnt betur nemendum af erlendum uppruna sem stunda nám í grunnskólum og stuðlað þannig að samræmdu og skilvirku móttökukerfi fyrir öll innflytjendabörn og unglinga á skólaaldri.