Gera tilraun með hundagerði í Grófinni

Hugmyndir að tilraunaverkefni um hundgerði innan skilgreinds hafnarsvæðis smábátahafnarinnar í Gróf í Reykjanesbæ hafa verið kynntar fyrir stjórn Reykjaneshafnar með tölvupósti frá umhverfissviði Reykjanesbæjar.

Þar er jafnframt óskað er eftir heimild Reykjaneshafnar fyrir þessari tilraun. Lagt er til að Reykjaneshöfn samþykki fyrir sitt leiti viðkomandi tilraunarverkefni.

Verkefnið var samþykkt með fjórum atkvæðum en Sigurður Guðjónson greiddi atkvæði á móti og lagði fram eftirfarandi bókun: „Ég get ekki greitt þessari staðsetningu atkvæði mitt því ég tel að aðrar staðsetningar væru heillavænlegri“.