Gengur í suðaustan 18-25 með slagveðursrigning seint í kvöld

Í morgun kl. 6 voru suðaustan 10-15 m/s og víða slydda eða rigning vestanlands, en mun hægari sunnanátt og léttskýjað austan til. Kaldast var 8 stiga frost á Möðrudal, en hlýjast 5 stiga hiti á Gufuskálum.

Yfirlit
Á vestanverðu Grænlandshafi er 997 mb lægð, sem þokast norðaustur, en milli Færeyja og Noregs er um 1000 mb lægð, á austurleið. Langt suðvestur í hafi er vaxandi 999 mb lægð, sem hreyfist allhratt norður.

Veðurhorfur á landinu ásamt viðvörun !
Veðurhorfur til kl. 18 á morgun: Viðvörun: Búist er við stormi á öllu landinu í nótt og á morgun og mjög snörpum vindhviðum.

Spá: Gengur í suðvestan og sunnan 13-18 m/s með slyddu og síðar rigningu sunnan- og vestanlands, en hægara og þykknar upp norðaustan til. Suðaustan 18-25 og talsverðri rigningu sunnan- og vestanlands seint í kvöld og nótt, en slydda norðaustanlands. Snýst í vestan og suðvestan 18-25 á morgun með skúrum eða éljagangi. Hiti 3 til 8 stig í dag, en kólnar á morgun.

Veðurhorfur við Faxaflóa næsta sólarhringinn:
Suðvestan 10-15 m/s og slydda í fyrstu, en síðar rigning. Gengur í suðaustan 18-25 með slagveðursrigning seint í kvöld, en snýst í suðvestan 23-28 með skúrum í fyrramálið. Hlýnandi veður og hiti 3 til 8 stig í dag.