Gasþjófar handteknir

Lögreglan á Suðurnesjum handtók um helgina tvo menn vegna þjófnaðar á fjörutíu gaskútum úr húsbílum í umdæminu í síðustu viku. Skilagjald fyrir hvern gaskút um 8.700 krónur með virðisauka.

 

Bílarnir eru í eigu tveggja bílaleiga og voru unnar skemmdir á þeim með því að spenna upp geymslurýmin þar sem kútarnir voru geymdir.

Samkvæmt upplýsingum frá annarri bílaleigunni voru það alls 28 bílar sem brotist var inn í. Húsbílaleigan hefur ekki fengið upplýsingar um það hvort gaskútarnir komist til skila.