Garður: Skólagjöld haldist óbreytt

Reiknað er með að útsvarstekjur í Garði lækki um 10% milli ára, fasteignaskattur standi í stað og framlög jöfnunarsjóðs lækki um 13%. Launaliðir verða óbreyttir, rekstrarkostnaður málaflokka stendur í stað og þjónusta við bæjarbúa verður óskert. Ekki mun koma til uppsagna starfsfólks bæjarins. Skólagjöld, s.s. fyrir tónlistarskóla, leikskóla eða skóladagvistun hækka ekki.
Þetta er á meðal þess sem fram kemur í fjárhagsáætkun sveitarfélagsins Garðs sem tekin var til fyrri umræðu á bæjarstjórnarfundi fyrir helgi. Í henni er miðað við er miðað við að rekstri verði hagað þannig að grunnþjónusta verði varin þrátt fyrir að tekjur bæjarins lækki.  Jafnframt verði mögulegt að viðhalda sérstakri viðbótarþjónustu við foreldra ungra barna.