Garðmenn fá 8 milljónir frá Minjastofnun

Sveitarfélagið Garður hefur fengið tæplega átta milljóna króna styrk frá Minjastofnun Íslands til undirbúnings að tillögu um verndarsvæði í byggð.

 

Skipulag og þróun verndarsvæða í byggð voru til umræðu á síðasta fundi bæjarráðs Garðs þar sem samþykkt var samhljóða að fela bæjarstjóra að undirrita samning um styrk úr húsafriðunarsjóði vegna verkefnisins.  

 

Fram kemur í gögnum Minjastofnunar að nýta verði styrkinn fyrir árslok 2018.