Gáfu Reykjanesbæ hleðslustöð fyrir rafbíla

Starfsmenn Orkusölunnar, þeir Hafliði Ingason og Friðrik Valdimar Arnarson, færðu Reykjanesbæ rafbílahleðslustöðina Stoppustuð í vikunni. Með því vill Orkusalan hvetja til aukinnar notkunar rafbíla.

Orkusalan framleiðir, kaupir og selur rafmagn til heimila, stofnana og fyrirtækja hér á landi. Á undanförnum vikum hafa þeir Hafliði og Friðrik ferðast um allt land til að færa öllum 74 bæjarfélögum landsins hleðslustöð fyrir rafbíla. Verkefnið kallast „Rafbraut um Ísland.“