Gaf kvartmilljón til verknáms við Heiðarskóla

Verktakafyrirtækið Hjalti Guðmundsson ehf. gaf rausnarlega gjöf við formlega opnun Heiðarskóla um helgina. Í stað þess að færa skólanum blómakörfu afhenti Andrés Hjaltason hjá verktakafyrirtækinu skólastjóranum Árnýju Ingu gjafabréf til tækjakaupa í verknámsstofu skólans upp á kvartmilljón króna.Fjölmargir gestir lögðu leið sína í skólana í Reykjanesbæ um helgina til að skoða þá í boði bæjarstjórnar en nú hefur einsetningu skólanna verið lokið og aðstaða í öllum skólum er sambærileg.