Gæslan úr hlýlegu koti í höll?

Ásmundur Friðriksson, alþingismaður var ásamt fleirum í flugskýli 831 á Keflavíkurflugvelli að kynna sér verkefnið Iceland Air Meet ásamt fleiri þingmönnum. Ásmundur setti nokkrar myndir úr heimsókn sinni í flugskýlið á fésbókarsíðu sína og segir þar að flugskýlið taki léttilega eina stóra farþegaþotu, 2 þyrlur og 8 herþotur.

„Svo er verið að liggja á þingsályktun um að flytja Gæsluna til Keflavíkurflugvallar. Flutningur frá Reykjavík er eins og að flytja úr hlýlegu koti í höll. Hver er andstæður því?,“ spyr þingmaðurinn.