Fyrstu tjaldgestir sumarsins í Grindavík
Fyrstu gestir á tjaldsvæðinu í Grindavík gistu í nótt. Hér er á ferðinni fólk sem kom með ferjunni Norrænu og kom á stórum húsbíl og með þetta langa tjald sem þau settu niður á tjaldsvæðið í nótt. Að öllu jöfnu opnar tjaldsvæðið í Grindavík ekki fyrr en 1. maí og er opið til 15. september. Fyrirhugaðar eru lagfæringar á svæðinu og aðstaða verður bætt, m.a. verður til afnota þvottavél og 2 fyrir 1 í sund, þá er húsbílastæði með losun í athugun. þessir gestir sem komu í nótt eru með því allra fyrsta sem von er á en þau njóta sín vel í sumarblíðunni sem er á svæðinu. Má því segja að ferðamenn bætist í hóp farfugla sem koma hverjir af öðrum á þessum árstíma.
Mynd/ www.grindavik.is - Fyrsta tjaldið á tjaldsvæði Grindavíkur í sumar.
