Fyrsta útilistaverkið afhjúpað í Vogum
Íslands Hrafnistumenn eftir Erling Jónsson, listamann, var afhjúpað í Vogum á Fjölskyldudaginn sem haldinn var hátíðlegur í Vogum sl. laugardag. Listaverkið stendur á Stóru-Voga túni við Stóru-Voga tanga.
Listaverkið er reist sem minnisvarði um sjómennsku og útgerð frá Vogum og Vatnsleysuströnd en Vatnsleysuströndin var ein stærsta verstöð landsins á tímum árabátaútgerðar.
Forseti Íslands, Hr. Ólafur Ragnar Grímsson, afhjúpaði útilistaverkið með hjálp þriggja ungra drengja.
Myndir: Inga Sæm.
