Fyrsta þota Icelandair í nýjum búningi komin til Keflavíkurflugvallar

Boeing 737 Max 8 þota Icelandair, TF-ICE, Jökulsárlón, lenti á Keflavíkurflugvelli nú á sjöunda tímanum í kvöld. Þotan er sú fyrsta sem er með nýjum merkingum Icelandair. Nýtt út­lit flug­véla­flotans mun frá og með deginum í dag taka að breyt­ast mjög frá því sem fólk á nú að venj­ast.

Gyllti lit­ur­inn sem verið hef­ur ráðandi í öllu markaðsefni fyr­ir­tæk­is­ins, ásamt blá­um og hvít­um frá ár­inu 2006, mun nú hverfa á braut og þess í stað verður meiri áhersla lögð á nokkuð fjöl­breytta lita­flóru sem sé sótt í ís­lenska nátt­úru, ekki síst fjöl­skrúðug norður­ljós­in. Gert er ráð fyrir að notast verði við sex mismunandi liti. Vélin sem kom í dag, Jökulsárlón, er t.a.m. með ljósbláa rönd á stéli. Þá er nafn Icelandair áberandi á búki vélarinnar.

Hilmar Bragi, ljósmyndari Víkurfrétta, myndaði vélina þegar hún kom inn til lendingar nú á sjöunda tímanum.