Fyrsta skóflustungan að háhýsi

Fyrsta skóflustungan að hæsta húsi Keflavíkur var tekin sl. föstudag við Vatnsnesveg. Það eru Hjalti Guðmundsson og synir sem sjá um byggingu hússins en íbúðirnar verða seldar á frjálsum markaði.
Í húsinu verða 24 íbúðir á 6-7 hæðum. Hverri íbúð fylgir síðan bílageymsa í kjallara. Að sögn Andrésar Hjaltasonar verður frágangur á húsinu til fyrirmyndar. „Húsið verður klædd að utan með varanlegri klæðningu og álgluggar. Þetta verður fallegt hús sem á eftir að sóma sér vel á þessum stað“, segir Andrés. Stefnt er að því að bygging háhýsisins taki 18-20 mánuði en gert er ráð fyrir að hafist verði handa við sölu upp úr áramótum. „Það er mikil áhugi fyrir þessu húsi hjá fólki á öllum aldri en þó mest hjá fólki upp úr fertugu.“