Fyrsta húsið í Grænáshverfi

Grænáshverfi í Reykjanesbæ er að verða að veruleika. Jón Guðlaugsson, varaslökkviliðsstjóri hjá Brunavörnum Suðurnesja, er þegar farinn að láta grafa fyrir tvílyftu einbýlishúsi sem hann ætlar að reisa við Steinás 20. Gröfumaðurinn og Jón gáfu sér tíma til að stilla sér upp fyrir ljósmyndara VF þegar hann var á ferðinni fyrir helgina. Jón var glaður í bragði og sagðist hlakka til að geta flutt inn í nýja húsið, enda er staðsetningin alveg frábær.