Fyrsta flug WOW air til Tel Aviv
WOW air flýgur sitt fyrsta flug til Tel Aviv í Ísrael í kvöld en flogið verður í nýrri Airbus A321neo vél fjórum sinnum í viku. Þetta er í fyrsta skipti sem Íslendingum býðst beint áætlunarflug til Ísrael.
„Við höfum fundið fyrir miklum áhuga á ferðum til og frá Ísrael. Með því að tengja Tel Aviv við leiðarkerfi WOW air til Norður Ameríku mun staða Íslands sem tengistöð styrkjast enn frekar,“ segir Skúli Mogensen forstjóri og eigandi WOW air.
