Fyrsta Evrópuferðin fór í Kóda

Fyrsta Evrópuferðin í Jólalukku Víkurfrétta 2005 kom upp á miða sem afhentur var ungri konu í versluninni Kóda síðastliðinn mánudag. Þetta er fyrsta ferðin sem gengur út svo vitað sé, enn eru 15 ferðir í boði og því gæti það gefið vel að gera jólainnkaupin hér heima.

Meðal þeirra vinninga sem enn eru í boði er sófasett frá Bústoð að verðmæti kr. 100.000, fartölva frá Tölvulistanum að verðmæti kr. 85.000, fjöldi leikfanga, rafmagnstækja og búsáhalda frá Byko, inneignir frá verslunum, 2 ltr. Coke, Coke Light eða Egils appelsín, áskriftir að Sýn og konfektkassar, hangikjöt, svínahamborgarhryggir og fjöldi annarra vinninga frá Kasko.

Yfir 5100 vinningar eru í boði og því eftir nógu að sækjast.