Fyrrum nemar við FS með námskynningu
Fyrrverandi nemendur Fjölbrautaskóla Suðurnesja munu kynna nám sitt, sem þau eru að stunda eða hafa verið í, fyrir FS-ingum næsta föstudag á sal skólans. Hefst kynningin kl. 10:00 og stendur til hádegis. Kynnt verður nám við Háskóla Íslands, Kennaraháskóla Íslands, Viðskiptaháskólann á Bifröst, Háskólann í Reykjavík og Listaháskóla Íslands. Útskriftarnemendur við FS eru sérstaklega hvattir til þess að sækja kynninguna.
Eftirfarandi nám verður kynnt:
Stjórnmálafræði, landafræði, hagfræði, fornleifafræði, listir, félagsráðgjöf, japanska, verkfræði, þjóðfræði, mannfræði, meinatækni, auglýsingafræði, almannatengsl, geislafræði, rekstrarfræði, hjúkrun, íslenska, fjölmiðlafræði, tæknifræði, viðskiptafræði, tölvunarfræði, lögfræði, kennaranám, jarðfræði og uppeldis- og menntunarfræði.
VF-loftmynd/ Oddgeir Karlsson
