Fundur Jones með Styrmi og Boga: Tilraun til fréttaleka?
Því er haldið fram á vef Blaðamannafélagsins, www.press.is, að í utanríkisráðuneytinu sé litið svo á, að fundur sem Elizabeth Jones, aðstoðarutanríkisráðherra Bandaríkjanna, átti á dögunum með yfirmönnum Morgunblaðsins og fréttasviðs Ríkisútvarpsins, Styrmi Gunnarssyni og Boga Ágústsson, hafi verið haldinn í þeim tilgangi að búa til farveg fyrir "fréttaleka" um afstöðu Bandaríkjamanna til íslenskra varnarmála. Sagt er að þetta hafi hins vegar ekki borið árangur því hvorugur fjölmiðillinn hafi birt upplýsingar sem rekja megi til samtalsins við bandaríska ráðherrann.Orðrétt segir á vef Blaðamannafélagsins: "Tvær kenningar hafa verið uppi um tilganginn með þessum fundi. Annars vegar benda menn á að tilgangurinn með því að fá stjórnendur stærstu miðlanna til að heita trúnaði gegn því að vera upplýstir um afstöðu Bandaríkjamanna hafi verið að koma í veg fyrir að viðkomandi fjölmiðlar segðu fréttir af bréfinu þar sem yfirmennirnir myndu virða trúnaðinn jafnvel þótt menn fengju upplýsingarnar frá annari og sjálfstæðri fréttauppsprettu."
Síðan segir: "Miklu líklegra er þó, og sú túlkun virðist mun almennari, að með fundinum hafi Jones verið að búa til farveg fyrir fréttaleka um afstöðu Bandaríkjamanna. Í því sambandi er bent á að viðhorf til fjölmiðla og vinnubrögð í Bandaríkjunum séu þess eðlis að fráleitt sé að stjórnmálamenn kalli til sín stjórnendur fjölmiðla og telji sig geta með því haft áhrif á hvað þeir birta eða birta ekki. Þvert á móti sé reglan sú að fjölmiðlar vestra birti það með einhverjum hætti ef upplýsingum sem þessum er á annað borð komið á framfæri."
Þá segir: "Heimildir press.is herma jafnframt að þessi túlkun hafi verið uppi í utanríkisráðuneytinu og í því ljósi beri að skoða þá taugaveiklun sem fundurinn með íslensku fjölmiðlastjórnendunum olli."
Loks segir á vef Blaðamannafélagsins: "Það hefur hins vegar vakið athygli, að hvorki RÚV né Morgunblaðið hafa komið með upplýsingar eða "stórskúbb"sem augljóslega er hægt að rekja til "off record" upplýsinga frá Elísabetu Jones."
Síðan segir: "Miklu líklegra er þó, og sú túlkun virðist mun almennari, að með fundinum hafi Jones verið að búa til farveg fyrir fréttaleka um afstöðu Bandaríkjamanna. Í því sambandi er bent á að viðhorf til fjölmiðla og vinnubrögð í Bandaríkjunum séu þess eðlis að fráleitt sé að stjórnmálamenn kalli til sín stjórnendur fjölmiðla og telji sig geta með því haft áhrif á hvað þeir birta eða birta ekki. Þvert á móti sé reglan sú að fjölmiðlar vestra birti það með einhverjum hætti ef upplýsingum sem þessum er á annað borð komið á framfæri."
Þá segir: "Heimildir press.is herma jafnframt að þessi túlkun hafi verið uppi í utanríkisráðuneytinu og í því ljósi beri að skoða þá taugaveiklun sem fundurinn með íslensku fjölmiðlastjórnendunum olli."
Loks segir á vef Blaðamannafélagsins: "Það hefur hins vegar vakið athygli, að hvorki RÚV né Morgunblaðið hafa komið með upplýsingar eða "stórskúbb"sem augljóslega er hægt að rekja til "off record" upplýsinga frá Elísabetu Jones."
