FS sigraði FSU í Gettu betur
Kominn í 8 liða úrslit.
Fjölbrautaskóli Suðurnesja sigraði Fjölbrautaskóla Suðurlands í fyrstu viðureign síðari umferðar á Rás 2 sem fram fór í gærkvöldi. Liðið er því komið í sjónvarpskeppnina í þriðja sinn í sögu skólans. Eins og fram kemur á vefsíðu RÚV og var spennan óbærileg á stundum í Útvarpshúsinu en greinilegt var að liðin höfðu undirbúið sig vel fyrir keppnina. Mjótt var á munum mest alla keppnina en aðeins munaði einu stigi á liðunum eftir hraðaspurningarnar og skiptust liðin á að halda forrystunni þar til bjölluspurningarnar voru ríflega hálfnaðar en þá tók lið Fjölbrautaskóla Suðurnesja fram úr og sigraði að lokum 21 - 16.
Það eru lið FS, FG, MA og FVA sem eru komin áfram í 8 liða úrslit sem hefjast á Rúv 28. janúar n.k.
