Frumkvöðull hættir eftir 23 ára starf

Svanhvít Guðmundsdóttir, eða Svana, lét af störfum á dögunum eftir farsælt 23 ára starf sem skólaritari í Njarðvíkurskóla. Var haldið kveðjuhóf fyrir Svönu þar sem Árni Sigfússon bæjarstjóri þakkaði henni fyrir vel unnin störf í þágu bæjarbúa öll þessi ár.

Ásgerður Þorgeirsdóttir skólastjóri Njarðvíkurskóla ásamt samstarfsfólki þakkaði Svönu einnig samstarfið en hún var m.a. frumkvöðull í notkun á Mentor í grunnskólum á landsvísu.  Einnig var boðið uppá veitingar að hætti hússins.