Frost og él í dag

Klukkan 6 var vestlæg átt, víða 10-15 m/s, en norðaustan 10-15 á annesjum norðantil. Snjókoma eða él um landið norðanvert, dálítil él vestantil, en yfirleitt léttskýjað sunnan- og austanlands. Frost 1 til 9 stig, kaldast í innsveitum á Norðurlandi.

Norðvestan 10-15 m/s, en norðaustan 10-15 á annesjum norðantil. Snjókoma eða él norðantil og einnig dálítil él um landið vestanvert fram eftir degi, en annars léttskýjað að mestu. Dregur víðast hvar úr vindi í dag, en norðaustan 10-15 í kvöld, en hægari sunnantil. Él, norðan- og austantil, en annars yfirleitt léttskýjað. Svipað veður á morgun. Frost 4 til 10 stig, en allt að 15 stig í innsveitum norðanlands.