Frosinni ýsu stolið í Grindavík

Í gærmorgun var tilkynnt um innbrot í Þorbjarnarhúsið, Ægisgötu 3, Grindavík. Hafði verið þvinguð upp stór hurð og teknir tveir kassar af frosinni ýsu. Er hvor kassi 21 kg. að þyngd.
Í umferðinni var einn var kærður fyrir of hraðan akstur á Reykjanesbraut. Mældist hraði hans 112 km. þar sem leyfður hámarkshraði er 90 km. Einn var kærður fyrir stöðvunarskyldubrot. Þrír voru kærðir fyrir að færa bifreiðar ekki bifreiðar sínar til skoðunar á réttum tíma. Eitt minniháttar umferðaróhapp varð á Suðurgötu í Vogum. Á kvöld- og næturvaktinni voru 5 ökumenn kærðir fyrir hraðakstur á Reykjanesbraut og Grindavíkurvegi.  Einn var stöðvaður fyrir að aka sviptur ökuleyfi.