Friðjón efstur - Guðbrandur þarf 18 atkvæði til að ná 1. sætinu

Friðjón Einarsson er í 1. sæti hjá Samfylkingu þegar 50% atkvæða hafa verið talin í prófkjöri flokksins í Reykjanesbæ.

Guðbrandur Einarsson er í 2. sæti en vantar aðeins 18 atkvæði til að ná 1. sætinu af Friðjóni.

Guðný Kristjánsdóttir er í þriðja sæti og Eysteinn Eyjólfsson í því fjórða.

Þegar 50% atkvæða hafa verið talin er Hjörtur M. Guðbjartsson í fimmta sæti en Jenný Magnúsdóttir þarf aðeins 4 atkvæði til að hafa af honum fimmta sætið.

Jóhann Geirdal hjá kjörstjórn Samfylkingarinnar í Reykjanesbæ segir mikinn spenning á meðal frambjóðenda, enda á eftir að telja um 600 atkvæði og ljóst að allt getur gerst ennþá.