Freon-leki í flugeldhúsi Flugleiða

Slökkviliðið á Keflavíkurflugvelli var kallað út um klukkan hálf ellefu í fyrrakvöld að flugeldhúsi Flugleiða en þar hafði milliloft í kæligeymslu hrunið niður. Við það rofnuðu kælivökvaleiðslur og lak freon-kælivökvi út, að sögn lögreglunnar á Keflavíkurflugelli. Slökkviliði tókst að stöðva lekann. Engin slys urðu á fólki en enginn var í kæligeymslunni þegar atvikið átti sér stað.