Framsóknarmenn í Sandgerði og Garði sameinast

Sameiningar stjórnmálaafla í Garði og Sandgerði halda áfram. Nú ætla framsóknarmenn í sveitarfélögunum að sameinast í nýju félagi sem mun bjóða fram í bæjarstjórnarkosningum 26. maí nk. en þá verður í fyrsta skipti kosið í sameinuðu sveitarfélagi Sandgerðis og Garðs.

 

Fundur um sameiningu framsóknarfélaga í Garði og Sandgerði verður í Garðinum á fimmtudagskvöldið , 1. mars kl. 20:30. Fundurinn fer fram í Auðarstofu, félagsstarfið eldri borgara.

 

Í dag er Framsóknarflokkur með tvo bæjarfulltrúa í Sandgerði en í Garði hafa framsóknarmenn starfað með N-listanum.