Fræðsla um ofbeldi gegn eldra fólki í undirbúningi

Á 23. fundi öldungaráðs Reykjanesbæjar, sem haldinn var á Nesvöllum 13. október, var rætt um ofbeldi gegn eldra fólki. Borgar Jónsson, formaður ráðsins, lagði til að í ljósi þeirrar umræðu sem verið hefur um málefnið undanfarið verði boðið upp á fræðslu fyrir almenning og fagfólk.

Að frumkvæði ráðsins verður fræðslan skipulögð í samstarfi við öldrunar- og stuðningsþjónustu Reykjanesbæjar og Félag eldri borgara á Suðurnesjum. Markmiðið er að efla vitund um ofbeldi gegn eldra fólki og stuðla að opnari umræðu um vernd og velferð eldri borgara.

Öldungaráð fól formanni ráðsins og teymisstjóra öldrunar- og stuðningsþjónustu að vinna málið áfram í samstarfi við Félag eldri borgara.