Forystumenn Sjálfstæðisflokksins heimsóttu Víkurfréttir
- „Vantar að greiða götu tækifæra á Suðurnesjum,“ segir Bjarni Ben
Bjarni Benediktsson, formaður Sjálfstæðisflokksins og Hanna Birna Kristjánsdóttir, varaformaður, voru meðal þeirra Sjálfstæðismanna sem litu við í heimsókn á skrifstofu Víkurfrétta í dag. Sjálfstæðimenn voru á ferðinni í Reykjanesbæ daf og litu forystumenn flokksins því við hjá Víkurfréttum.
Árni Sigfússon, bæjarstjóri Reykjanesbæjar, Ragnheiður Elín Árnadóttir, fyrsti þingmaður Sjálfstæðisflokksins í Suðurkjördæmi kíktu einnig í heimsókn ásamt frambjóðendunum Ásmundi Friðrikssyni og Vilhjálmi Árnasyni.
STÓRSLAGUR! Stjörnumaðurinn Bjarni Ben og Keflvíkingurinn Ragnheiður Elín. VF-Myndir/JJK
Nokkur rígur var á milli Bjarna og Ragnheiðar Elínar. Bjarni kemur úr Garðabænum og er mikill stuðningsmaður Stjörnunnar. Ragnheiður er hins vegar úr bítlabænum og Keflvíkingur. Þau eru með búninga sinna liða klára enda mætast þessi lið í 8-liða úrslitum úrslitakeppni Domino’s deildarinnar í körfuknattleik í kvöld.
Víkurfréttir ræddu við Bjarna við þetta tilefni eins og má sjá hér að ofan.
Páll Ketilsson, ritstjóri Víkurfrétta, ásamt Hönnu Birnu, Bjarna Ben, Ragnheiði Elínu, Vilhjálmi Árnasyni og Ásmundi Friðrikssyni.
Þau Ragnheiður Elín, Árni Sigfússon og Hanna Birna Kristjánsdóttir lesa auðvitað alltaf Víkurfréttir.
Bæjarstjórinn tók í fúsballspilið á skrifstofu Víkurfrétta. Árni er efnilegur í íþróttinni og sýndi skemmtilega takta.
