Forysta F-listans vissi um dóm Gunnars

Forysta Frjálslynda flokksins vissi af því að Gunnar Örlygsson, sem skipar efsta sæti flokksins í Suðvesturkjördæmi, ætti eftir að afplána þriggja mánaða fangelsisdóm þegar hann tók sætið á listanum. Gunnar hefur enn ekki greitt 2 miljónir sem hann var dæmdur til að greiða í ríkissjóð. Sigurður Líndal lagaprófessor kveðst ekki þekkja dæmi þess að maður með óafplánaðar dóm fari í framboð, segir á ruv.is.Héraðsdómur Reykjaness dæmdi Gunnar í 6 mánaða fangelsi í júlí í fyrra, þar af þrjá mánuði skilorðsbundið og til greiðslu tveggja miljóna króna í upptöku til ríkissjóðs fyrir kvótasvindl, bókhaldsbrot og brot á tollalögum.