Fóru í lestrarferð á bókasafnið

Nokkrir hressir krakkar af leikskólanum Holti lögðu í ferð sína niður á bókasafn í morgun.

Þar var lesið fyrir þau úr völdum bókum eins og t.d. Greppikló og sögðu krakkarnir að hún hafi verið rosalega skemmtileg.

Þau fóru niður í bæ með strætó og rétt áður en þau héldu aftur á leikskólann fékk ljósmyndari Víkurfrétta að smella einni mynd af hópnum. Krakkarnir voru þó ekki allir tilbúnir í myndatöku og földu sig sumir hlæjandi á bak við vini sína.

VF-mynd/Þorgils Jónsson