Forsetinn segir stöðuna alvarlega

Forseti Íslands, Ólafur Ragnar Grímsson, lenti á Keflavíkurflugvelli á sjöunda tímanum í morgun. Ólafur var í einkaerindum í Bandaríkjunum og flýtti heimför sinni vegna ástands í þjóðmálunum en hann átti að koma hingað til lands á fimmtudag.

Ólafur sagði við fréttamann Stöðvar 2 í morgun að staðan sem upp er komin sé alvarleg. Hann þurfi að vera til staðar og að standa sína plikt. Hann hyggst funda með formönnum ríkisstjórnarflokkanna í dag.

Viðtal við forsetann verður í hádegisfréttum Bylgjunnar og kvöldfréttum Stöðvar 2. Myndirnar tók Hilmar Bragi fyrir Stöð 2 þegar forsetahjónin komu til landsins í morgun frá Denver.