Formleg loftrýmisgæsla hefst í dag

Þýski flugherinn er með fjórar F-4F orrustuþotur við loftrýmisgæslu Atlantshafsbandalagsins á Keflavíkurflugvelli og taka um 150 liðsmenn þátt í verkefninu. Reglulegt eftirlitsflug hefst í dag og stendur út mánuðinn.

Flugmenn þýsku orrustuþotnanna hafa verið að undirbúa loftrýmisgæslu með aðflugsæfingum á Keflavíkurflugvelli og varaflugvöllum ásamt annarri þjálfun síðustu daga en æfingar hafa tafist vegna veðurs.

Myndirnar eru úr safni og eru frá því þýski herinn var hér síðast við loftrýmisgæsluna.