Fór ótroðnar slóðir á Hafnargötunni

Ökumaður þessa smábíls fór ótroðnar slóðir og réðst ekki á garðinn þar sem hann er lægstur á ferð sinni um Hafnargötuna í Keflavík nú síðdegis. Á móts við kirkju hvítasunnumanna endaði hins vegar ferðalagið á slóðum sem flestir láta eiga sig, uppi í stórgrýttum garði sem skilur að akreinar á Hafnargötunni.

Lögregla og slökkvilið voru kölluð til ásamt dráttarbíl, enda smábíllinn óköufær eftir torfæruaksturinn. Eins og sjá má á meðfylgjandi myndum sem teknar voru á vettvangi atburðarins síðdegis, þá er smábíllinn kominn lengra en margir jeppaeigendur geta látið sig dreyma um.