Flugfarþegi fékk heilablóðfall

Tilkynning barst til lögreglunnar á Suðurnesjum skömmu eftir miðnætti í fyrrinótt þess efnis að flugvél væri að koma inn til lendingar á Keflavíkurflugvelli með farþega sem væri meðvitundarlaus eftir heilablóðfall. Búið væri að kalla út sjúkrabifreið. Reyndist um að ræða tæplega sextugan karlmann. Læknir og sjúkralið hlúðu að honum og var hann fluttur á Landspítalann í Fossvogi.

Mynd úr safni.