Flugdólgar handteknir í Leifsstöð

Seint í gærkvöld handtók lögreglan á Suðurnesjum tvo flugfarþega sem höfðu verið með ólæti um borð í vél Flugleiða á leið frá Manchester. Mennirnir héldu áfram uppteknum hætti eftir að komið var inn í flugstöðina. Lögreglan skarst þá í leikinn og færði mennina í fangageymslu þar sem þeir voru látnir sofa úr sér áfengisvímuna

Þá var karlmaður handtekinn á Hrannargötu í Reykjanesbæ vegna ölvunar og óspekta. Hann fékk, eins og flugdólgarnir, að sofa úr sér áfengisvímuna í fangaklefa.


VF-mynd/elg: Farþegar í Leifsstöð. Myndin tengist ekki fréttinni beint.