Flug fór úr skorðum frá Keflavík vegna óveðurs

Hávaðarok og rigning setti flugsamgöngur úr skorðum um tíma á Keflavíkurflugvelli í dag. Farþegar í 11 flugvélum þurftu að dúsa þar allt upp í fjórar klukkustundir á meðan veðrið gekk yfir. 

Var landgöngum lokað en á sjötta tímanum róuðust veðurguðirnir og hægt var að opna á nýjan leik. Ljóst er að röskun hefur orðið á ferðum margra farþega.

Farþegar biðu flestir þolinmóðir í flugstöðinni á meðan veðri slotaði.