Fleiri páskagestir í Bláa lónið

Veðurblíðan lék við gesti Bláa Lónsins um páskahelgina. Fjöldi baðgesta var 7390 og er það um 3 prósent aukning m.v.  páskahelgina á sl. ári.  Systurnar í hinni vinsælu hljómsveit Sister Sledge voru á meðal gesta og nutu  þær þess að slaka á í lóninu fyrir tónleika  helgarinnar.

Góð þátttaka var einnig í viðburði Bláa Lónsins um páskahelgina, hátt í 200 manns tóku þátt  í göngunni sem var samstarfsverkefni Bláa Lónsins og Grindavíkurbæjar. Vatnsleikfimi  sem fram fór  í lóninu undir leiðsögn Rúnars Sigríkssonar féll einnig í góðan jarðveg meðal gesta.



Mynd: Skvísurnar í Sister Sledge í Bláa lóninu um páskana.