Fleiri líkamsárásir en alvarlegum brotum fækkar

Líkamsárásarmálum í umdæmi Lögreglunar á Suðurnesjum fjölgaði aðeins milli ára en 82 mál komu til rannsóknar árið 2011 í stað 69 mála árið 2010.

Líkamsárásarmálum í umdæmi Lögreglunar á Suðurnesjum fjölgaði aðeins milli ára en 82 mál komu til rannsóknar árið 2011 í stað 69 mála árið 2010. Það jákvæða við þróun líkamsárásarmála undanfarin tvö ár er að alvarlegri málum fækkar hlutfallslega, en frá þessu er greint í nýrri ársskýrslu Lögreglunar á Suðurnesjum. 

 Áhersla hefur verið lögð á að hraða rannsóknum líkamsárásarmála enda málaflokkurinn í hópi
forgangsmála samkvæmt fyrirmælum ríkissaksóknara. Verulegur árangur hefur náðst í því efni segir ennfremur í skýrslunni.