Flaggað fyrir amerískum verslunardögum

Íslenska og bandaríska fánanum er flaggað við höfuðstöðvar Víkurfrétta í tilefni þess að Amerískir verslunardagar standa nú yfir í Reykjanesbæ. Víkurfréttir og 30 verslanir í Reykjanesbæ standa að dögunum.Það eru 30 verslanir í Reykjanesbæ og Víkurfréttir, sem gefa út fréttablaðið The White Falcon, sem er fréttablað varnarliðsmanna sem standa að uppákomunni og nefnist uppákoman "SPRING BREAK SPECIAL" eða vordagar.

Ætlunin er að kynna íbúum varnarstöðvarinnar á Keflavíkurflugvelli þá verslun og það vöruúrval sem í boði er í Reykjanesbæ. Bandaríkjamenn hafa verið duglegir að sækja verslun og þjónustu til Suðurnesja. Það þótti kjörið að koma á fót sérstökum verslunardögum til að halda þessari góðu þróun við. Ekki veitir af að láta vita af sér annað slagið því endurnýjun Varnarliðsfólks er afar hröð og koma 4-8 fjölskyldur til landsins hvern laugardag en hefðbundinn verutími þar er u.þ.b. 1-2 ár í senn.