Flæðir í tvo kjallara í Sandgerði

Fráveitukerfið í Sandgerði stíflaðist nú síðdegis með þeim afleiðingum að flæða tók uppúr niðurföllum og salernum í tveimur húsum við Víkurbraut í bænum. Slökkvilið Sandgerðis var kallað til og hafa slökkviliðsmenn verið að dæla úr kjöllurum Víkurbrautar 1 og 5. Ekki er vitað hvort mikið tjón hafi orðið en að sögn Reynis Sveinssonar, slökkviliðsstjóra er aðgerðum að ljúka.

Myndir: Jón Björn Ólafsson