Fjórtán bifreiðar skemmdar í Reykjanesbæ
Skemmdar voru 14 bifreiðar við Fitjabraut í Reykjanesbæ um helgina. Skemmdarverkin voru tilkynnt til lögreglunnar í Keflavík á sunnudagskvöld. Sjö bifreiðanna voru afskráðar. Rúður voru brotnar í bifreiðunum og hafði verið hoppað á þeim. Ekki er vitað hver eða hverjir voru þarna að verki. Lögreglan í Keflavík vinnur að rannsókn málsins.
