Fjórir óku undir áhrifum fíkniefna

Lögreglan á Suðurnesjum stöðvaði för fjögurra ökumanna í vikunni þar sem þeir voru grunaðir um akstur undir áhrifum fíkniefna. Sýnatökur á lögreglustöð staðfestu neyslu tveggja þeirra á amfetamíni, metamfetamíni og kannabisefnum. Við öryggisleit á vettvangi þar sem annar þeirra var stöðvaður fannst meint kannabis. Hinir tveir ökumennirnir reyndust hafa neytt kannabisefna.