Fjórir á hraðferð fram hjá vegaframkvæmdum

Tveir ökumenn voru kærðir fyrir ölvunarakstur í umdæmi lögreglunnar á Suðurnesjum í morgun.  Þeir voru báðir sviptir ökuréttindum til bráðabirgða.  Þá var ökumaður í Reykjensbæ kærður fyrir að aka án þess að hafa öðlast ökuréttindi.

Fjórir ökumenn voru kærðir í morgun fyrir of hraðan akstur á Reykjanesbrautinni, þar sem vegaframkvæmdirnar við Grindavíkurveg eru.  Hámarkshraðinn þar er 50 km/klst og sá er hraðast ók mældist á 91 km/klst.


VF-mynd/elg: Horft fyrir framkvæmdasvæðið á mótum Grindavíkurvegar og Reykjanesbrautar. Hámarkshraði þarna er 50 km.