Fjórar hæðir ofan á Ránna án athugasemda

Engar athugasemdir bárust eftir grenndarkynningu þar sem óskað var leyfis fyrir fjögurra hæða byggingu ofan á húsin númer 19, 19a og 21 við Hafnargötu. Þessi hús eru núna ein hæð við Hafnargötuna. Veitingahúsið Ráin er í stærstum hluta þessara bygginga. Einnig er óskað eftir heimild til að byggja einnar hæðar byggingu á baklóð Hafnargötu 21.

Í byggingunni verður 111 herbergja hótel sem gengur undir heitinu Continental Bridge Hotel. Umhverfis- og skipulagsráð Reykjanesbæjar hefur samþykkt að ráðist verði í byggingaframkvæmdir.