Fjölskyldudagurinn í Vogum
Fjölskyldudagurinn í Vogum verður haldinn hátíðlegur á morgun, en dagurinn verður hlaðinn skemmtilegri dagskrá þar sem allir ættu að finna eitthvað við sitt hæfi. Má þar nefna m.a: dorgveiði, götumarkað, samsýningu listamanna af svæðinu, sundlaugarpartý, fjölbreytt úrval leiktækja, þrautakeppnir, flugdrekafjör barna, flugeldasýningu, og margt fleira skemmtilegt verður í boði. Veitt verða umhverfisverðlaun 2004. Um kvöldið verður svo ekta útidansleikur þar sem fjölskyldan mun sameinast í skemmtilegum leikjum, dansi og söng.
Dagskráin verður sem hér segir:
Kl:
10.00 Hin æsispennandi Dorgveiðikeppni, þrælskemmtilegt verkefni fyrir alla fjölskylduna.
11:30 Undankeppni Fyrirtækja Survivor. Fyrirtæki á svæðinu keppa sín á milli í þungum þrautum með bros á vör.
13:00 Fótboltaleikur milli hreppsnefndar og starfsmanna hreppsins.
14:00 Karnival stemming: Veitt verða umhverfisverðlaun 2004, tónlist, andlitsmálning, kaffisala, hin ýmsu leiktæki verða í boði, má þar nefna geymsneril, hoppkastala, þrautabrautir, Risa Trampolín, Risabox, Candifloss, sjoppa, tombóla,
úrslit fyrirtækjasurvivor, körfubíllinn verður á staðnum, leiktækjaþrautir og ýmislegt fleira. Beltabíll Vís verður opinn fyrir 10 ára og eldri. Hægt verður að fá sér Tattoo sem dugar í 4 daga, farið verður í leiki og smá þrautakeppni verður í gangi.
14:45 Einar Ágúst og Gunni úr Skítamóral mæta með gítarinn og skemmta af sinni einskæru snilld.
15:30 Flugdrekafjör barnanna ( ef veður leyfir). Börnin koma saman og skreyta himininn í ýmsu litum með flugdrekum. Mættu með þinn eigin eða fáðu hjá okkur fyrir 100 kr.
16:00 Keppni í Olsen Olsen. Hver verður Olsen meistari.
Ungir sem aldnir hvattir til að taka þátt. Skráning í síma 8984754. Skemmtileg verðlaun í boði.
18:00-20:30 Sundlaugarpartý fyrir 13-18 ára, grillað á staðnum. Dúndur tónlist á svæðinu og stemming sem aldrei fyrr, full af skemmtilegu vatnsfjöri. Mættu ef þú þorir að blotna.
19:30 Grillveisla, svakalegt stuð og mikið gaman þar sem fólk kemur saman, lifandi tónlist og góður félagsskapur.
20:30 Fjölskyldan sameinast í ekta útidansleik með tilheyrandi fjöri. Þar verður dansað, sungnir „brekkusöngvar“ og tilheyrandi gaman.
23:00 Flugeldasýning. Stórglæsileg flugeldasýning á vegum Björgunarsveitarinnar.
23:30 Fjáröflunardansleikur í Glaðheimum fyrir þá sem hafa úthald í meiri skemmtun.
Þetta kemur fram á vefsíðu Voga
