FJÖLSKYLDU- OG FÉLAGSÞJÓNUSTA REYKJANESBÆJAR
Bæjarstjórn Reykjanesbæjar hefur samþykkt tillögu bæjarráðs frá 5. maí sl. um að breyta nafni Félagsmálastofunar Reykjansbæjar í Fjölskyldu- og félagsþjónusta Reykjanesbæjar. Með nafnabreytingunni er ætlunin að vekja athygli bæjarbúa á því að félagsþjónusta er viðurkennd fjölskylduþjónusta sem bæjarfélagið veitir og hefur það að markmiði að styrkja fjölskylduna. Fjölskyldu- og félagsþjónusta Reykjanesbæjar hefur yfirumsjón með eftirtöldum málaflokkum: *barnavernd *fósturmálum *forsjármálum *umgengnismálum *ættleiðingarmálum *sálfræðiþjónustu *félagsráðgjöf *fjárhagsaðstoð *húsaleigubótum *félagslegu húsnæði *leiguhúsnæði fyrir aldraða *félagslegri heimaþjónustu *þjónustu við aldraða *þjónustu við fatlaða *gæsluvöllum *málefnum dagmæðra *öryggismálum barna *jafnréttismálum *áfengis- og vímuvarnarmálum Hjá fjölskyldu- og félagsþjónustunni starfa um 55 manns, þar af 35 í föstum störfum. Unnið er að útgáfu bæklinga til nánari kynningar á þeirri þjónustu sem í boði er og verða þeir bornir út á hvert heimili í bæjarfélaginu á næstu vikum. Starfsfólk fjölskyldu- og félagsþjónustunnar hvetur íbúa Reykjanesbæjar til að kynna sér nánar þann stuðning sem í boði er.
